Hostmoster 轉 Vultr 一記

雖然我已經無用Blog去記錄自己個生活好耐,但我都無忘記當年(2010)成功建站的喜悅,第一次有屬於自己的頂級域名戈種興奮,仲有將自己由2004年開始寫過幾個日記平台啲文一次過搬過係哩到戈種成功感,係無得用筆墨去形容的,所以如果我有能力,仲有閑錢的話,我都會保留自己係網上世界的一個地方,或許有一天facebook執笠,twitter破產,instagram不能再用,我都仲有一個由2004年開始記錄自己的生活感受和想法的地方 – kada1120.com
 
2010年,擁有第一張自己的信用卡,買主機建站的小記錄: 殺雞用牛刀

都唔知幾多年冇更新過個blog,雖然好耐冇更新,但係其實呢度每日都要俾錢營運,由2010建立年到2017年,網址要費用,主機也會費用

我記得第一年(2010)係平均一個月$5美金,而家已經差唔多$10美金一個月。越嚟越貴,而且shared host冇獨立IP

今次打blog要記錄一下由Hostmoster 轉去Vultr 過程

今次其實係由shared host轉VPS,所以其實雖然打少左blog,而且機乎無visitors,但其實我仲係升級左,瀏覽速度應該仲快左

揀Vultr 係因為本身已經安裝左一個shadowsocks Server,都幾穩定,而且主機商介面簡潔,Server地點都有幾多地方可以揀,重點係吾貴,而且吾洗一次過比曬一年錢

而其他VPS主機商的優點或缺點網上應該大把,由ping值到穩定性,大把人統計過,因為大陸對於翻墻需求有增無減,而且deploy 一個shadowsocks作為科學連線上網機乎都係必須品

今次我揀左physical係日本的機房,相比起之前係美國Utah州的機房應該仲會有速度提升,我哩個只有自己瀏覽的Blog 1000G bandwidth應該點都夠用

重點黎了,搬主機過程本身諗住用FTP download and upload,但係發覺我deploy主機戈時如果無揀cPanel(要15美金一個月)而揀左one click WordPress 的話就要用command line同主機傾計做upload

我太耐無用command line 傾計,已經吾識點同佢溝通,而且又吾熟Linux 個directory ,吾知wp-content裝左係邊,又無File manager,又無phpmyadmin,個SQL都吾知點用command line,所以開頭都苦惱左一陣

好采後尾比我搵到左一個叫UpdraftPlus嘅plus-in,而且仲係免費嘅,裝左之後就可以順利係wordpress個back stage做buckup,吾洗經安裝主機的後台

問題係要改DNS 個A record吾知幾時改好,因為改一改要成半日先會完全生效,個domain name會時不時都解析吾到,搞左一輪可能都吾知依家係新主機定舊主機做緊backup and restore,我今次係先係舊主機個wordpress用UpdraftPlus做左backup,轉左A record先,然後再upload返啲野上去,問題係我個domain name無轉過,都係kada1120.com,所以應該問題不大

好采最後都有驚無險(暫時係),我都學識如果有額外野自己加入個blog到最好都用返wp-content個目錄去做,如果吾係後面backup同restore會有啲麻煩。

雖然我已經無用Blog去記錄自己個生活好耐,但我都無忘記當年(2010)成功建站的喜悅,第一次有屬於自己的頂級域名戈種興奮,仲有將自己由2004年開始寫過幾個日記平台啲文一次過搬過係哩到戈種成功感,係無得用筆墨去形容的,所以如果我有能力,仲有閑錢的話,我都會保留自己係網上世界的一個地方,或許有一天facebook執笠,twitter破產,instagram不能再用,我都仲有一個由2004年開始記錄自己的生活感受和想法的地方 – kada1120.com
 
2010年,擁有第一張自己的信用卡,買主機建站的小記錄: 殺雞用牛刀

Kada@kada1120.com

Leave a Reply